Danska félagið greinir frá smiti íslenska landsliðsmannsins

Danska knattspyrnufélagið Fredericia hefur tilkynnt á heimasíðu sinni að aðalmarkvörður liðsins, Elías Rafn Ólafsson, hafi smitast af kórónuveirunni þegar íslenska 21-árs landsliðið í knattspyrnu kom saman í vikunni.

Elías varði mark íslenska liðsins þegar það sigraði Lúxemborg 2:0 í Esch-sur-Alzette á þriðjudaginn.

Frétt af mbl.is

Smit hjá U21 árs landsliðinu

Fram kemur að Elías hafi ekki sýnt nein einkenni og sé frískur en hafi verið settur í einangrun til að forðast smit. Hann spili því ekki með liðinu gegn Vendsyssel í dönsku B-deildinni á sunnudaginn.

Frétt af mbl.is

Íslendingarnir í sóttkví og spila ekki um helgina

„Þetta er að sjálfsögðu leiðinlegt fyrir Elías en sem betur fer er hann einkennalaus þannig að vonandi kemur hann fljótt aftur inn í hópinn," segir Stig Pedersen íþróttastjóri Fredericia á heimasíðu félagsins. Elías er þar í láni frá dönsku meisturunum Midtjylland og hefur spilað alla sex leiki liðsins í dönsku B-deildinni á þessu tímabili.

• Blogga um frétt