Breiðablik mætir Selmu Sól Magnúsdóttur og liðsfélögum hennar í Rosenborg í undanúrslitum fyrstu umferðar Meistaradeildar kvenna i knattspyrnu.
Ef Breiðablik vinnur Rosenborg þá mætir félagið annaðhvort Minsk frá Hvíta-Rússlandi eða Slovácko frá Tékklandi í úrslitaleiknum.
Fyrsta umferðin er leikin dagana 18. og 21. ágúst í einu af löndunum fjórum en félögin eiga að koma sér saman um leikstað.
Þann 1. september verður síðan dregið til 2. umferðar sem leikin er tvær síðustu vikurnar í september. Þar er spilað um sæti í riðlakeppni Meistaradeildarinnar sem hefst 19. október og er leikin til 22. desember.