Willian, leikmaður Arsenal á Englandi, fékk send virkilega ljót og ömurleg skilaboð á samfélagsmiðlinum Instagram í vikunni. Um er ræða kynþáttaníð en hann var meðal annars kallaður „fokking api“ í skilaboðunum.
Knattspyrnumaðurinn greindi sjálfur frá þessu á Instagram en þar birti hann einnig skjáskot af skilaboðunum sem sjá má neðar í fréttinni. „Farðu aftur í frumskóginn, fokking api,“ sendi einn rasistinn á Willian. „Af hverju í andskotanum fékkstu að spila í gær? Þú ert algjör skítur, apinn þinn,“ skrifaði sá sami einnig.
Willian er langt frá því að vera fyrsti knattspyrnumaðurinn sem fær svona ömurleg skilaboð á samfélagsmiðlum en undanfarnar vikur hefur verið greint frá mörgum svipuðum tilfellum. „Það þarf eitthvað að breytast,“ skrifaði Willian með skjáskotunum sem hann deildi.
„Slagurinn gegn rasisma heldur áfram!“