Chelsea þurfti að sætta sig við markalaust jafntefli gegn Sevilla þegar liðin mættust í E-riðli Meistaradeildarinnar í knattspyrnu á Stamford Bridge á Englandi í kvöld.
Jafnfræði var með liðunum allan leikinn en hvorugu liðinu tókst að skora og jafntefli því niðurstaðan.
Þá mættust Rennes og Krasnodar í hinum leik riðilsins í Frakklandi þar sem Sehrou Huirassy kom Rennes yfir með marki úr vítaspyrnu á 56. mínútu.
Chrutuab Ramírez jafnaði metin fyrir Krasnodar, þremur mínútum síðar, og þar við sat.
Öll lið riðils E-riðils eru því með 1 stig eftir fyrstu umferðina.
Þá vann Barcelona öruggan 5:1-sigur gegn Ferencváros í G-riðli á Spáni þar sem þeir Lionel Messi, Anstu Fati, Pilippe Coutinho, Pedri og Ousmane Dembélé skoruðu mörk Barcelona í leiknum.
Igor Kharatin minnkaði muninn fyrir Ferencváros með marki úr vítapyrnu á 70. Mínútu eftir að Gerard Pique hafði fengið að líta rauða spjaldið.
Barcelona og Juventus eru bæði með 3 stig í efstu sætum riðilsins en Ferencváros og Dynamo Kiev eru án s tiga.
Lazio lagði Borussia Dortmund að velli þegar liðin mættust í F-riðli á Ítalíu en leiknum lauk með 3:1-sigri Lazio.
Ciro Immobile og Jean-Daniel Akpa-Akpro skoruðu mörk Lazio og þá var Marwin Hitz fyrir því óláni að skora sjálfsmark í liði Dortmund í fyrri hálfleik.
Erling Braut Haaland skoraði eina mark Dortmund í stöðunni 2:0- en Dortmund er án stiga líkt Zenit frá Pétursborg en Lazio er með 3 stig líkt og Club Brugge.