DeShaun Watson, leikstjórnandi Cleveland Browns í NFL-deildinni í amerískum fótbolta, hefur náð sáttum við 20 af þeim 24 konum sem hafa kært hann fyrir kynferðislegt áreiti.
Tony Buzbee, lögmaður allra 24 kvennanna, staðfesti í yfirlýsingu í dag búið væri að ná sáttum í 20 af 24 málum þeirra.
Hann sagði að þegar búið væri að fara í gegnum öll gögn er lúta að sáttunum, sem fela í sér óuppgefnar fjárhæðir sem Watson innir af hendi til kvennanna 20, verði öll 20 málin látin niður falla.
Buzbee bætti því við að til stæði að fara með öll hin fjögur mál, þeirra fjögurra kvenna sem eftir stæðu, fyrir rétt.
Fyrsta kæran á hendur honum var lögð fram í mars 2021 en fjölmargar konur kærðu Watson í kjölfarið. Konurnar segja allar að Watson hafi sýnt af sér kynferðislega óviðeigandi hátterni á meðan nuddi stóð.
Þá var hann leikmaður Houston Texans. Er Watson sakaður um að hafa áreitt, ráðist á og/eða snert konurnar þegar þær reyndu að sinna störfum sínum.