Leikmannahópur Leiknis er kominn í sóttkví eftir að leikmaður liðsins greindist með Covid-19 veiruna skæðu. Fotbolti.net greindi frá þessum fréttum.
Þessi umræddi leikmaður tók ekki þátt í leik Leiknis og KA í 14. umferð Pepsi Max deildar karla í gær. Þar hafði KA betur og sigraði 0-1.
Þetta er ekki eina Covid-19 smitið í fótboltanum þessa dagana en það þurfti að fresta tveimur leikjum í Lengjudeildinni um helginga vegna smita í leikmannahópi Víkings Ólafsvíkur og Kórdrengja. Auk þess var leik Fylkis og Vals í Pepsi Max deild kvenna frestað vegna smits í leikmannahópi Fylkis.
Næsti leikur Leiknis í deildinni er 3. ágúst gegn Fylki.