Rúmenía er fallið niður í C-deild Þjóðadeildarinnar þrátt fyrir 4-1 stórsigur gegn toppliði Bosníu Hersegóvínu sem var þegar búið að tryggja sér toppsætið fyrir lokaumferðina.
Rúmenar voru betri aðilinn gegn Bosníu og verðskulduðu sigurinn þar sem George Puscas setti tvennu á meðan Edin Dzeko gerði eina mark Bosníu.
Lokatölur urðu 4-1 og endar Rúmenía á botni riðilsins með sjö stig. Bosnía endar á toppi riðilsins með ellefu stig og er Finnland í öðru sæti eftir sigur í Svartfjallalandi.
Finnar höfðu betur gegn tíu Svartfellingum og enda með átta stig. Þeir halda því sínu sæti í B-deildinni.
Svartfjallaland 0 - 2 Finnland
0-1 Oliver Antman ('47 )
0-2 Benjamin Kallman ('53 )
Rautt spjald: ,Zarko Tomasevic, Svartfjallaland ('17)
Romania 4 - 1 Bosnia Herzegovina
1-0 Dennis Man ('38 )
2-0 George Puscas ('73 )
2-1 Edin Dzeko ('77 )
3-1 Andrei Ratiu ('79 )
4-1 George Puscas ('86 )
Þá var einnig leikið í C- og D-deildunum. Í C-deildinni unnu Georgía og Búlgaría sína leiki en úrslitin voru löngu ráðin í riðlinum. Georgía fer upp í B-deildina eftir að hafa nælt sér í 16 stig úr 6 leikjum með Khvicha Kvaratskhelia í fararbroddi.
Gíbraltar endar með eitt stig og fellur aftur niður í D-deildina.
Í D-deildinni vann Eistland þægilegan útisigur í San Marínó. Eistar enda með fullt hús stiga og fara upp í C-deildina á meðan San Marínó lýkur keppni án stiga og með markatöluna 0-9.
Gíbraltar 1 - 2 Georgía
0-1 Khvicha Kvaratskhelia ('19 , víti)
0-2 Giorgi Tsitaishvili ('48 )
1-2 Louie Annesley ('75 )
N-Makedónía 0 - 1 Búlgaría
0-1 Kiril Despodov ('50 )
Rautt spjald: Todor Todoroski, North Macedonia ('14)
San Marínó 0 - 4 Eistland
0-1 Henri Anier ('38 )
0-2 Taijo Teniste ('56 )
0-3 Rauno Sappinen ('66 )
0-4 Henri Anier ('77 )