Innlent

Fólk sem að­stoðaði við björgunina í úr­vinnslu­sótt­kví

Sylvía Hall skrifar
Þrír voru í bílnum sem hafnaði í sjónum í vestanverðum Skötufirði á ellefta tímanum í morgun. 
Þrír voru í bílnum sem hafnaði í sjónum í vestanverðum Skötufirði á ellefta tímanum í morgun.  Vísir/Datawrapper

Fólkið sem kom að beinni björgun eftir að bíll fór í sjóinn í Skötufirði er nú í úrvinnslusóttkví. Þetta staðfestir Rögnvaldur Ólafsson, aðstoðaryfirlögregluþjónn hjá almannavarnadeild ríkislögreglustjóra, í samtali við fréttastofu.

Fjölskylda var í bílnum; karl, kona og barn. Þau voru á leið heim til sín eftir að hafa verið erlendis og var því ákveðið að þeir björgunaraðilar sem gætu verið útsettir fyrir mögulegu smiti færu í sýnatöku.

Þyrla Landhelgisgæslunnar flutti fólkið á sjúkrahús í Reykjavík en ekki er unnt að greina frá líðan þeirra að svo stöddu.

Aðstæður á vettvangi voru erfiðar og segir Rögnvaldur aðkomuna hafa verið erfiða fyrir vegfarendur sem náðu fólkinu í land og veittu fyrstu hjálp á meðan beðið var eftir viðbragðsaðilum. Mikil hálka var á svæðinu og lágskýjað.

„Það er eflaust ekki auðvelt. Þetta var erfið aðkoma og erfitt verkefni sem þeir þurftu að sinna fyrsta klukkutímann áður en aðstoð kom,“ segir Rögnvaldur.

Banaslys í Skötufirði Samgönguslys Súðavíkurhreppur

Tengdar fréttir

Fjölskylda flutt með þyrlu til Reykjavíkur eftir slysið

Þau þrjú sem voru í bílnum sem fór í sjóinn í Skötufirði voru flutt á sjúkrahús í Reykjavík með þyrlum Landhelgisgæslunnar nú eftir hádegi. Komið var með fólkið á Borgarspítalann á öðrum tímanum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið