Knattspyrnumaðurinn Demarai Gray skrifaði í dag undir þriggja ára samning við Everton. Hann kemur til félagsins frá Bayer Leverkusen í Þýskalandi. Kaupverðið er 1,7 milljónir punda.
Leikmannahópur Everton er sem stendur í æfingabúðum í Flórída og gæti Gray leikið með liðinu gegn kólumbíska liðinu Millonarios á laugardaginn kemur.
Aðeins eru sex mánuðir síðan Gray yfirgaf Leicester til að ganga í raðir Leverkusen. Gray hefur skorað 13 mörk í 169 leikjum í ensku úrvalsdeildinni. Hann skoraði eitt mark í 12 leikjum í þýsku Bundesligunni.