Lögreglu barst tilkynning um líkamsárás í Árbæ í Reykjavík í gær.
Lögregla mætti á vettvang og í kjölfarið tók við eftirför sem endaði á Kjalarnesi. Tveir voru handteknir vegna rannsóknar málsins og eru viðkomandi meðal annars grunaðir um líkamsárás, akstur undir áhrifum vímuefna, umferðarlagabrot og fleira.
Þetta kemur fram í dagbók lögreglunnar á höfuðborgarsvæðinu.
Önnur líkamsárás átti sér einnig stað á höfuðborgarsvæðinu en ekki liggja fyrir upplýsingar um það mál að svo stöddu. Tekið er þó fram að vitað sé hver gerandinn er.