Mohamed Ihattaren, leikmaður Ajax á láni frá Juventus, lenti í því í gærkvöldi að kveikt var í bifreið hans.
Lögreglan í Utrecht fann bíl leikmannsins, sem er af gerðinni Porsche Panamera og kostar um 11,4 milljónir íslenskra króna, klukkan þrjú í nótt.
Það liggur sterkur grunur á að kveikt hafi verið í bílnum viljandi, samkvæmt De Telegraaf í Hollandi.
🚨 – JUST IN: The Porsche Panamera from Mohammed Ihattaren has been destroyed by fire last night. The police is suspecting it’s been done on purpose. [@telegraaf] pic.twitter.com/tacbh00dbl
— 𝐀𝐅𝐂 𝐀𝐉𝐀𝐗 💎 (@TheEuropeanLad) September 27, 2022
Lögregla rannsakar nú málið. Hún mun ræða við þá sem voru nálægt atvikinu og skoða upptökur frá öryggismyndavélum.
Það vekur mikla athygli að þetta gerist nú en aðeins er vika síðan kveikt var í bíl bróður Mohamed, Yassir.
Hinn tvítugi Mohamed giftist TikTok-stjörnunni Yasmine á sunnudag. Talið er að glæpagengi hafi farið að skipta sér af leikmanninum eftir að samband hans við samfélagsmiðlastjörnuna kom í ljós.
