Innlent

Þjófurinn tróð tveimur nauta­lundum í buxur sínar

Jakob Bjarnar skrifar
Lögreglan hefur haft í ýmsu að snúast það sem af er viku. Hún handtók meintan þjóf og við leit fundust tvær nautalundir í buxnaskálm viðkomandi. (Þessi tiltekna tengist þeim viðburði ekki.)
Lögreglan hefur haft í ýmsu að snúast það sem af er viku. Hún handtók meintan þjóf og við leit fundust tvær nautalundir í buxnaskálm viðkomandi. (Þessi tiltekna tengist þeim viðburði ekki.) vísir/vilhelm

Samkvæmt dagbók lögreglunnar á höfuðborgarsvæðinu var þjófur nokkur gripinn glóðvolgur en sá virðist hafa ætlað að gera sér glaðan dag og elda dýrindis nautasteik.

Tilkynnt var um meintan þjóf sem reyndi að stela úr kjörbúð í hverfi 108 sem eru Múlar og Skeifan. Þjófurinn var gripinn og við leit fundust tvær nautalundir í buxnaskálm hans.

Lögreglan hefur haft í ýmsu að snúast það sem af er viku. Tilkynnt var um einstakling sem var með ætlað þýfi undir höndum í hverfi 105. Þá var tilkynnt um líkamsárás í miðborginni en þar hafi einn lamið annan í andlitið. Málið er í rannsókn.

Þá rauk vindurinn upp skömmu fyrir hádegið og þá var ekki að sökum að spyrja; trampólín á Álftanesi fóru að fjúka um nesið að sögn lögreglu, og eflaust víðar.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið