Eden Hazard gæti leyst nýtt hlutverk hjá Real Madrid á næstu leiktíð ef marka má heimildir spænska blaðsins AS.
Hazard hefur alls ekki náð að sýna sitt besta í Madríd eftir að hafa gengið í raðir liðsins frá Chelsea árið 2019.
Síðan þá hefur Hazard misst af alls 57 leikjum aðallega vegna meiðsla sem hafa sett stórt strik í reikninginn.
Samkvæmt AS þá ætlar Carlo Ancelotti að nota Hazard í fremstu víglínu í vetur og mun hann spila í svokallaðri falskri níu.
Það verður þó aðallega gert í fjarveru Karim Benzema en Hazard mun ekki koma inn í tímabilið með fast byrjunarliðssæti og langt því frá.
Hazard er orðinn 31 árs gamall og er á síðasta séns að sanna sig á Santiago Bernabeu.