Sautján til taks hjá Spánverjum
Setja bókamerki
Mikil óvissa ríkir í herbúðum spænska karlalandsliðsins í knattspyrnu vegna kórónuveirusmits sem skaut upp kollinum í leikmannahóp liðsins í vikunni.
Sergio Busquets og Diego Llorente eru báðir smitaðir af veirunni en liðið hefur leik í lokakeppni EM hinn 14. júní gegn Svíþjóð í Sevilla.
Braiz Mendez frá Celta Vigo, Pablo Fornals frá West Ham, Carlos Soler frá Valencia og Rodrigo Moreno frá Leeds voru kallaðir inn í hópinn af Luis Enrique þjálfara liðsins og hafa dvalið í „búblu“ samhliða þeirri sem aðrir liðsmenn eru í þessa dagana.
Þeir Raul Albiol og Kepa Arrizabalaga bættust svo við „búbluna“ í gær og í dag bættust þeir Álvaro Fernández, Óscar Mingueza, Marc Cucurella, Bryan Gil, Juan Miranda, Gonzalo Villar, Pozo, Brahim, Zubimendi, Yeremy Pino og Javi Puado við líka en þeir eru allir leikmenn U21-árs landsliðs Spánverja.
Spánverjar leika í E-riðli lokakeppninnar ásamt Svíþjóð, Póllandi og Slóvakíu.
Fólk í kosningateymi Höllu fékk milljónir frá OS
Hefur ekki upplýsingar um ráðningu Karenar
229 slösuðust alvarlega í umferðinni
Halla svarar fyrir útgjöldin hjá Orkustofnun
Dómari vanhæfur í Hvammsvirkjunarmáli
Ótímabundin leyfi verði líklega ekki gefin út
Tveir milljarðar tapast vegna vatnsskorts
„Styttist í nýjustu tíðindi“