Patrik valinn leikmaður ársins

Patrik Sigurður Gunnarsson, landsliðsmarkvörður í knattspyrnu, hefur verið útnefndur besti leikmaður Viking frá Stafangri á tímabilinu 2022.

Patrik, sem er 22 ára gamall, var lykilmaður í liði Viking á síðasta tímabili þegar hann lék 28 af 30 leikjum þess í norsku úrvalsdeildinni og alla sex leiki liðsins í undankeppni Sambandsdeildar UEFA.

Hafnaði Viking í 11. sæti af 16 liðum í deildinni.

Hann á þrjá A-landsleiki að baki fyrir Íslands hönd og er einn þriggja markvarða sem eru í landsliðshópnum fyrir leiki gegn Bosníu og Hersegóvínu og Liechtenstein í undankeppni EM 2024 síðar í mánuðinum.

• Blogga um frétt