Ensk götublöð velta því fyrir sér hvað Ole Gunnar Solskjær stjóri Manchester United gerir í sumar. Liðið hefur átt fína kafla á þessu tímabili en vantar allan stöðugleika.
United situr í öðru sæti deildarinnar en liðið hefur misst flugið síðustu vikur og þarf nú að berjast um Meistaradeildarsæti við fjölda liða.
Ljóst er að Solskjær vill gera breytingar á liði sínu í sumar en enska blaðið Daily Star telur að fjórir leikmenn verði hið minnsta til sölu í sumar.
Blaðið telur að United reyni að losa sig við David De Gea en markvörðurinn er launahæsti leikmaður félagsins. Dean Henderson myndi þá taka stöðu hans.
Diogo Dalot og Jesse Lingard sem báðir eru á láni hjá öðrum félögum verða einnig til sölu samkvæmt blaðinu, þá hefur Phil Jones ekki spilað í heilt ár og verður til sölu.
Fjórir sem verða til sölu samkvæmt Daily Star.
Jesse Lingard
Diogo Dalot
Phil Jones
David de Gea