Leikkonan Ana de Armas, fyrrverandi kærasta Bens Afflecks, er komin með nýjan kærasta. Leikkonan hefur greinilega haldið áfram með ástarlífið rétt eins og fyrrverandi en Affleck byrjaði með Jennifer Lopez í vor.
Kærasti de Armas heitir Paul Boukadakis en þau voru mynduð saman á laugardaginn að því fram kemur á vef Page Six. Skötuhjúin voru gripin glóðvolg á JFK-flugvellinum í New York. Fyrst fréttist af sambandi de Armas og Boukadakis í júní. Þau kynntust í gegnum sameiginlega vini.
Nýstirnið De Armas og leikarinn Affleck hættu saman í janúar eftir næstum því árs langt samband. Affleck endurnýjaði kynni sín við söng- og leikkonuna Jennifer Lopez í vor og mættu þau meðal annars saman á kvikmyndahátíðina í Feneyjum á dögunum.