„Af umræðum í aðdraganda kosninga gætu ókunnugir fengið það á tilfinninguna að svo mikið sé að í íslenskum sjávarútvegi að það verði að ráðast í róttækar breytingar,“ skrifa þau Ólafur Helgi Marteinsson, formaður Samtaka fyrirtækja í sjávarútvegi (SFS), og Heiðrún Lind Marteinsdóttir, framkvæmdastjóri samtakanna, í aðsendri grein í Morgunblaðinu í dag.

„Sjávarútvegurinn var, er og mun verða ein af grunnstoðum íslensks efnahagslífs. Hann mun raunar verða enn sterkari ef honum er leyft að þróast á eðlilegum forsendum,“ segir í greininni.

Viðurkenna þau að sjávarútvegurinn megi gera betur en segja það ekki gerast með því að „kollsteypa“ sjávarútvegskerfinu heldur að umbætur verði að byggja á framþróun innan greinarinnar.

„Fólk getur haft hvert sína skoðun á sjávarútvegi, en fæstir leggja sig þó eftir því að horfa á heildarmyndina. Sé það gert kemur í ljós að sjávarútvegur á Íslandi er miklu meira en það að sækja sjóinn, flaka og frysta. Íslenskur sjávarútvegur er einn sá fremsti í heimi og fjöldamörg önnur íslensk fyrirtæki reiða sig á styrkleika hans. Til að svo megi áfram verða þurfa þau sem hyggjast umbylta íslenska kerfinu að svara þeirri spurningu; af hverju að fórna þessari stöðu og fyrir hvað er verið að fórna henni? Það veltur mikið á íslenskum sjávarútvegi, oftast miklu meira en auganu mætir við fyrstu sýn,“ skrifa Ólafur HElgi og Heiðrún Lind.

Greinina má lesa í Morgunblaðinu eða hér.

Tengdar fréttir

Fiskveiðistjórnunin

Fáar vísbendingar um bættar strandveiðar

• Velgengnin byggð á góðri umgjörð
• Brimi úthlutað mestum kvóta
• Mun ekki víkja frá ráðgjöf vísindamanna
• Telja okuskipti tekin fram yfir lífríki hafsins

» Fleiri tengdar fréttir

Alþingiskosningar 2021

Spyr hvort að ekki þurfi að boða til kosninga

• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð
• Vorum kannski ekki bara „hrópandi í eyðimörkinni“

» Fleiri tengdar fréttir