Suðlæg átt og víða skúrir

Þetta kemur fram í hugleiðingum veðurfræðings á Veðurstofu Íslands.
Þetta kemur fram í hugleiðingum veðurfræðings á Veðurstofu Íslands. mbl.is/Arnþór

Suðlæg átt, 5 til 14 m/s, verður á landinu í dag, en hvassast suðvestan til og á hálendinu. Víða skúrir, en bjart með köflum norðaustanlands. Hiti verður almennt 8 til 13 stig, en allt að 18 stig norðaustanlands.

Þetta kemur fram í hugleiðingum veðurfræðings á Veðurstofu Íslands. Þar segir að síðan fari að rigna suðaustan- og austanlands annað kvöld. Vestlæg átt, 3 til 10 m/s, og víða dálítil væta á morgun, en styttir upp að mestu og léttir dálítið til um austanvert landið síðdegis. Hiti 8 til 16 stig, hlýjast suðaustan- og austanlands.

Veðurhorfur á landinu næstu daga

Á föstudag:
Vestlæg átt 3-10 m/s. Víða dálítil væta, styttir upp að mestu og léttir dálítið til um austanvert landið síðdegis. Hiti 8 til 16 stig, hlýjast suðaustan- og austanlands.

Á laugardag:
Suðvestan 3-8 og skúrir vestan til, annars bjart með köflum. Hiti 7 til 17 stig, hlýjast á Norðausturlandi.

Á sunnudag:
Sunnanátt, 8-13 m/s. Víða rigning og hiti 9 til 14 stig, en úrkomulítið fyrir norðan og hiti að 18 stigum.

Á mánudag og þriðjudag:
Suðlægar áttir með rigningu sunnan og vestan til, annars bjart með köflum. Hiti 10 til 18 stig, hlýjast norðaustanlands.

Á miðvikudag:
Útlit fyrir hæga vestlæga átt og dálitla rigningu eða súld um sunnan- og vestanvert landið, en bjart, þurrt og hlýtt veður norðaustan til.

mbl.is
Fleira áhugavert
Fleira áhugavert