Spartak Moskva vann Napoli í riðlakeppni Evrópudeildarinnar fyrr í dag. Leikið var í Rússlandi.
Spartak leiddi 2-0 í hálfleik með mörkum frá Alexander Sobolev. Það fyrra kom af vítapunktinum.
Elif Elmas, sem gerði tvö mörk fyrir Norður-Makedóníu í sigri gegn Íslandi á dögunum, minnkaði muninn fyrir Napoli eftir rúman klukkutíma leik.
Nær komust gestirnir þó ekki. Lokatölur í Moskvu 2-1.
Spartak er á toppi riðilsins með 7 stig, eins og Napoli. Rússarnir eru ofar á innbyrðisviðrueignum.
Þessi lið hafa leikið fimm leiki í riðlinum og eiga einn eftir. Legia Varsjá og Leicester eru í sama riðli. Legia er með 6 stig og Leicester 5. Þessi lið eiga tvo leiki eftir í riðlinum og mætast innbyrðis á morgun. Það er því allt galopið enn.