Það var stórleikur í ensku úrvalsdeildinni í kvöld þegar Manchester United tók á móti Chelsea.
United gat gulltryggt sæti í Meistaradeild Evrópu og gerði það. Casemiro kom þeim yfir á 6. mínútu leiksins.
Skömmu fyrir hálfleik tvöfaldaði Anthony Martial forystu heimamanna.
Á 73. mínútu kom þriðja mark United þegar Bruno Fernandes skoraði.
Marcus Rashford sneri aftur í kvöld og hann kom United í 4-0 skömmu síðar.
Joao Felix klóraði í bakkann fyrir Chelsea á 89. mínútu. Lokatölur 4-1.
United er í þriðja sæti deildarinnar með 72 stig fyrir lokaumferðina. Þar mætir liðið Fulham á Old Trafford.
Chelsea er í tólfta sæti með 43 stig og mætir Newcastle í lokaumferðinni.
