KR tók á móti Grindavík í Lengjudeild kvenna í kvöld. Heimakonur sigruðu leikinn 5-2.
Gestirnir byrjuðu betur og kom Una Rós Unnarsdóttir Grindavík yfir eftir aðeins fjögurra mínútna leik. KR-ingar tóku smátt og smátt yfir leikinn og jafnaði Guðmunda Brynja Óladóttir fyrir KR á 40. mínútu og kom KR yfir þremur mínútum seinna.
Christabel Oduro jafnaði fyrir Grindavík eftir klukkutíma leik, en Guðmunda var ekki hætt og fullkomnaði þrennuna á 67. mínútu leiksins.
Írena Björk Gestsdóttir fékk rautt spjald á 74. mínútu og eftir það skoraði KR tvö mörk til viðbótar en mörkin gerðu Laufey Björnsdóttir og Kathleen Pingel
KR er í öðru sæti deildarinnar með 12 stig einu stigi á eftir Aftureldingu. Grindavík er á botni deildarinnar með þrjú stig.
KR 5 – 2 Grindavík
0-1 Una Rós Unnarsdóttir (‘4)
1-1 Guðmunda Brynja Óladóttir (’40)
2-1 Guðmunda Brynja Óladóttir (’43)
2-2 Christabel Oduro (’60)
3-2 Guðmunda Brynja Óladóttir (’67)
4-2 Laufey Björnsdóttir (’84)
5-2 Kathleen Rebecca Pingel (’88)