Nokkrir stuðningsmenn skoska landsliðsins voru mættir á Leicester Square í Lundúnum til að taka til eftir að stuðningsmenn enska og skoska landsliðsins höfðu sett allt í rúst fyrir leik liðanna á Evrópumótinu.
England og Skotland mættust í D-riðli EM 2020 í gær. Leiknum lauk með markalausu jafntefli.
Fyrir leik hópuðust stuðningsmenn liðanna saman í Lundúnum, til að mynda á Leicester Square, drukku bjór og höfðu gaman.
Gamanið skildi þó eftir sig ansi mikið drasl. Það var því afar fallegt að sjá þegar skoskir stuðningsmenn voru mættir að þrífa upp eftir lætin. Stuðningsmennirnir þrifu bæði í gærkvöldi og í morgun.
Myndir af þessu fallega framtaki má sjá hér fyrir neðan.
