Starfsfólk krabbameinsdeildar ekki smitað
Landspítali/Þorkell Þorkelsson
Setja bókamerki
Allt starfsfólk blóð- og krabbameinslækningadeildar sem fór í skimun í morgun hefur fengið neikvætt svar við Covid-19 og er því ekki smitað. Beðið er eftir niðurstöðum úr skimun sjúklinga og er áætlað að þær berist upp úr klukkan fjögur síðdegis.
Þetta kemur fram í tilkynningu frá Landspítala.
Í gærkvöldi kom í ljós að einstaklingur sem hafði dvalið stutt á deildinni var smitaður af Covid-19. Þá voru allir sjúklingar deildarinnar skimaðir fyrir veirunni og deildinni lokað fyrir nýjum innlögnum. Starfsfólk fór í skimun í morgun.
Þegar niðurstöður úr skimun sjúklinga liggur fyrir verða teknar ákvarðanir um stöðu og starfsemi deildarinnar, til dæmis um opnun hennar á nýjan leik eða frekari lokanir eða takmarkanir.
Vantar fólk: „Þetta er gaman en það er ekki nóg“
Um 70 jarðskjálftar í kvikuganginum
Mennirnir í haldi lögreglunnar á Suðurnesjum
„Hann var lokaður inni í bátnum“
Kærir teiknara Vísis til siðanefndar
Kemur ekki til greina að semja við ESB
Tímaspursmál hvenær framleiðslu verði hætt