Innlent

Þrjú aðildarfélög Kennarasambandsins semja

Sylvía Hall skrifar
Samningar náðust í nótt og í morgun.
Samningar náðust í nótt og í morgun.

Félag leikskólakennara, Skólastjórafélag Íslands og Félag stjórnenda leikskóla skrifuðu undir kjarasamninga við samninganefnd Sambands íslenskra sveitarfélaga í nótt og í morgun. Tvö aðildarfélög munu taka upp viðræður eftir sumarfrí.

Samningarnir verða kynntir félagsmönnum félaganna á næstu dögum en félögin eru öll aðildarfélög Kennarasambands Íslands. Atkvæðagreiðsla um samningana fer svo fram 5. til 7. ágúst næstkomandi.

Í tilkynningu á vef Kennarasambands Íslands segir að Félag leikskólakennara hafi skrifað undir samning sem gildir til 31. desember 2021. Í samningunum er lögð sérstök áhersla er lögð á faglegt starf og undirbúning þess.

Félag stjórnenda leikskóla og Skólastjórafélag Íslands hafa skrifað undir jafnlanga samninga sem fela meðal annars í sér samræmingu á kjaramálum félaganna sem og nýtt mat á starfsreynslu.

Félag grunnskólakennara og Félag kennara og stjórnenda í tónlistarskólum endurnýjuðu viðræðuáætlanir sínar og munu taka upp viðræður eftir sumarfrí.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×