Innlent

Stefnir í sól­ríkan og hlýjan sumar­dag fyrsta víða um land

Jón Ísak Ragnarsson skrifar
Sumarblíða í Reykjavík. Búast má við blíðviðri sunnan og vestanlands á morgun.
Sumarblíða í Reykjavík. Búast má við blíðviðri sunnan og vestanlands á morgun. Vísir/Vilhelm

Búast má við blíðviðri sunnan og vestanlands á morgun sumardaginn fyrsta með hita allt að tólf gráðum í Reykjavík. Útlit er fyrir norðlæga átt á morgun og að víða verði bjart. Á Norðurlandi og fyrir austan verður kannski skýjað en úrkomulítið. Kaldara verður fyrir norðan.

Þetta er haft eftir Katrínu Öglu Tómasdóttur veðurfræðingi hjá Veðurstofu Íslands. Hún segir að með norðlægu áttinni kólni aðeins í veðri aðallega fyrir norðan og austan. Þar verði hiti svona 0-8 stig þar, en gæti verið hlýrra í innsveitum. Í Reykjavík er hins vegar útlit fyrir hlýtt veður, bjartviðri og hægan vind. Spáð er hita allt að tólf gráðum.

Á vef veðurstofunnar má finna upplýsingar um veður á sumardaginn fyrsta árin 1949 - 2015, en þar segir að hæsti hiti sem þá hafði mælst í Reykjavík á sumardaginn fyrsta hafi verið 13,5 gráður. Hæsti hiti sem þá hafði mælst á Akureyri var 19,8 gráður árið 1976. 

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið