Varabúningur enska knattspyrnufélagsins Newcastle á næstu leiktíð verður í fánalitum Sádi-Arabíu.
Það er The Guardian sem greinir frá þessu en félagið er í eigu sádiarabíska krónprinsins Mohammed bin Salman sem keypti félagið í október á síðasta ári.
Treyjan hefur ekki fengið góðar undirtektir hjá knattspyrnuáhugamönnum og svipar mjög til landsliðsbúnings Sádi-Araba.
Mannréttindasamtök gagnrýndu kaupin harðlega á síðasta ári enda hafa Sádi-Arabar verið gagnrýndir harðlega undanfarin ár fyrir að virða mannréttindi að vettugi í landi sínu.
Frá því að bin Salman keypti Newcastle hefur liðið klifrað upp töfluna í ensku úrvalsdeildinni og situr sem stendur í fjórtánda sætinu með 43 stig og er öruggt með sæti sitt í deildinni að ári.
🚨 Newcastle are set to turn out in the green and white of Saudi Arabia next season pic.twitter.com/JGK88rnKIa
— SPORTbible (@sportbible) May 13, 2022