Gipuzkoa þurfti að sætta sig við 76:89-tap á útivelli gegn Oviedo í B-deild Spánar í körfubolta í dag.
Landsliðsmaðurinn Ægir Þór Steinarsson lék vel með Gipuzkoa og skoraði 15 stig, gaf 7 stoðsendingar og tók 7 fráköst á 36 mínútum, en það dugði ekki til.
Ægir hefur leikið vel með Gipuzkoa á tímabilinu en hann kom til liðsins frá Stjörnunni fyrir leiktíðina. Ægir og félagar eru í 10. sæti deildarinnar með fimm sigra og fimm töp í tíu leikjum.