Boðið að prófa nýju uppfærsluna

Í dag fengu nokkrir heppnir spilarar að prófa nýju uppfærslu stýrikerfis Playstation 5.

Í uppfærslunni geta spilarar tengst samskiptamiðlinum Discord sem er einn vinsælasti samskiptamiðill tölvuleikjaspilara og varð aðgengilegur Xbox spilurum fyrir nokkrum mánuðum.

Einnig mun Playstation 5 leikjatölvan styðja hærri gæði í skjám. 

Bráðum verður hægt að velja Discord. Skjáskot/Playstation

Spjallið á hærra stig

Samskiptaforrit Playstation, Playstation Party, er gríðarlega vinsælt meðal notenda en er þó ekki á sama stigi og Discord, en með Discord forritinu er hljóðneminn einungis virkur meðan talað er og takmarkar það öll önnur bakgrunnshljóð (e. background noise).

Valmöguleikar fyrir hljóðnemann. Skjáskot/Discord

Auk þessara breytinga munu koma smávægilegar breytingar á útliti viðmótsins þar sem koma ný tákn fyrir möguleikana að sjá hver af vinalistanum er að spila og geta hoppað beint í leik með vinum sínum. 

Ekki er komin endanleg dagsetning á uppfærsluna en talað er um á spjallþráðum að búast megi við henni í byrjun mars.

• Blogga um frétt