Ísraelar loka landamærunum
Setja bókamerki
Ísraelar ætla að loka landamærum sínum fyrir erlendum ferðamönnum til að stemma stigu við útbreiðslu nýja Ómíkron-afbrigðis kórónuveirunnar.
„Erlendum ríkisborgurum verður bannað að koma til Ísraels nema í tilfellum sem sérstök nefnd þarf að samþykkja,“ sagði í yfirlýsingu frá forsætisráðuneytinu í landinu.
Aðgerðirnar taka gildi í kvöld.
Ísraelskir ríkisborgarar á leið til landsins þurfa að sýna fram á neikvætt PCR-próf og fara í þriggja daga sóttkví ef þeir hafa verið bólusettir gegn kórónuveirunni. Annars þurfa þeir að fara í sóttkví í sjö daga.
Aðeins fjórar vikur eru liðnar síðan ísraelsk stjórnvöld opnuðu landamæri sín aftur fyrir erlendum ferðamönnum eftir að þau höfðu verið lokuð vegna kórónuveirunnar.
/frimg/1/28/6/1280672.jpg)
Eitt tilfelli Ómíkron hefur greinst í Ísrael. Tvö önnur hugsanlega tilfelli hafa greinst hjá fólki sem hefur komið til landsins. Allir þrír einstaklingarnir eru bólusettir og í sóttkví. Afbrigðið greindist fyrst í Suður-Afríku.
„Skýr skilaboð til Seðlabankans“
Veiting hvalveiðileyfis ekki brot á EES-samningi
Tóku upp hanskann fyrir leikskólabörn
Handtekin eftir að tvö börn fundust látin
Skiptir miklu meira máli en fólk grunar
Verðbólgan komin niður í 6%
„Á réttri leið en nokkuð í land ennþá“