Tinna Jónsdóttir, fyrirliði kvennaliðs Gróttu í knattspyrnu, er gengin til liðs við ítalska félagið Apulia Trani sem leikur í C-deildinni á Ítalíu.
Hún er lánuð þangað frá Gróttu, rétt eins og samherji hennar á Seltjarnarnesi, Sigrún Ösp Aðalgeirsdóttir, sem gekk til liðs við Apulia Trani á dögunum.
Frá þessu er greint á netmiðlinum Traniviva.it en þar kemur fram að Carlo Uva, varaformaður félagsins, sé í samvinnu við Gróttu um að félögin geti skipst á leikmönnum sem þannig öðlist reynslu í ólíkum löndum og deildum.
Apulia er frá bænum Trani við Adríahafið á suðausturströnd Ítalíu, skammt norðan við Bari.