Víðir viðurkennir mistök
Setja bókamerki
Víðir Reynisson yfirlögregluþjónn segist hafa gert mistök varðandi undanþágur sem voru veittar þjálfurum karlalandsliðsins í fótbolta á leik liðsins gegn Belgíu í gær. Þjálfararnir voru í sóttkví en fengu að fylgjast með leiknum í gegnum gler á efri hæðum leikvangsins.
Víðir sagði á upplýsingafundi að sóttvarnarlæknir hafi bent honum á að þjálfararnir hefðu ekki átt að fá þessa heimild, eftir að starfsmaður KSÍ greindist með veiruna. Víðir sagðist hafa sett afskaplega slæmt fordæmi og að hann taki alla ábyrgð á þessu. Sagði hann þetta sérstaklega slæmt fyrir hann miðað við fyrri störf hans fyrir Knattspyrnusamband Íslands.
Víðir sagði það jafnframt vonbrigði að brotið hafi verið gegn vinnusóttkví þegar starfsfólk KSÍ fór inn á völlinn að loknum sigri Íslendinga á Rúmeníu. Spurður út í sektir sagði hann almannavarnir ekki hafa skoðað hvers eðlis brotið er, hvort þetta hafi verið brot gegn reglum UEFA, brot á undanþágu frá almannavörnum, eða þá brot á sóttvarnareglum.
Þórólfur Guðnason sóttvarnalæknir var spurður út í málið og sagði hann alla gera mistök. Mikilvægast sé að læra af þeim en ekki með dvelja við þau, heldur horfa fram á veginn.
Veiting hvalveiðileyfis ekki brot á EES-samningi
Handtekin eftir að tvö börn fundust látin
Handteknir eftir myndatöku í Vesturbæjarlaug
Tveir í bílnum sem lenti utan vegar
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi