Körfubolti

Elvar Már skoraði tólf í tapi

Hjörtur Leó Guðjónsson skrifar
Elvar Már í leik með íslenska landsliðinu.
Elvar Már í leik með íslenska landsliðinu. Vísir/Hulda Margrét

Landsliðsmaðurinn Elvar Már Friðriksson var næststigahæsti leikmaður Rytas Vilnius með tólf stig er liðið mátti þola þrettán stiga tap gegn Manresa í Meistaradeild Evrópu í körfubolta í kvöld, 82-69.

Jafnræði var með liðunum í upphafi leiks og staðan var jöfn að loknum fyrsta leikhluta. Heimamenn í Manresa reyndust þó sterkari í öðrum leikhluta ogleiddu með átta stigum þegar liðin gengu til búningsherbergja, staðan 45-37.

Sóknarleikur Rytas gekk svo erfiðlega eftir hálfleikshléið og liðið skoraði aðeins tólf stig gegn átján stigum heimamanna. Elvar og félagar náðu ekki að brúa bilið í lokaleikhlutanum og því varð niðurstaðan þrettán stiga sigur Manresa, 82-69.

Elvar var sem áður segir næststigahæsti leikmaður Rytas með tólf stig, en hann tók einnig eitt frákast og gaf fjórar stoðsendingar á tæpum 23 leiknum mínútum. Þetta var fyrsti leikur liðanna í J-riðli og Manresa trónir því á toppnum með tvö stig.




Fleiri fréttir

Sjá meira


×