Mike Pence, varaforseti Bandaríkjanna, segir 40 milljónir Bandaríkjamanna munu fá bóluefni gegn kórónuveirunni fyrir áramót.
Þetta kom fram á kosningafundi hjá Pence í Gainesville í Georgia í kvöld, að íslenskum tíma, vegna kosningar til öldungadeildar Bandaríkjaþings.
Pence benti á að bandaríska lyfja- og matvælaeftirlitið hefði samþykkt bóluefni Pfizer í dag. Fram undan væri dreifing á bóluefni um Bandaríkin.