Knattspyrnumaðurinn Dagur Örn Fjeldsted hefur skrifað undir nýjan samning við Breiðablik, til ársins 2026, strax eftir að hafa skorað sitt fyrsta mark fyrir félagið í efstu deild.
Dagur, sem verður 19 ára í lok apríl, skoraði þriðja mark Breiðabliks í sigrinum á Vestra, 4:0, í Bestu deildinni á laugardaginn.
Dagur lék fyrstu þrjá leiki sína með Blikum í deildinni á síðasta tímabili, eftir að hafa verið í láni hjá Grindavík í 1. deildinni, og hann kom inn á í sínum fjórða leik gegn Vestra.
Dagur Örn framlengir samning sinn við Breiðablik👏
— Breiðablik FC (@BreidablikFC) April 15, 2024
Dagur er uppalinn Bliki og skoraði sitt fyrsta mark í efstu deild á dögunum.
Lék fyrr hluta síðasta tímabils á láni með Grindavík.
Dagur hefur skorað 1 mark í 6 landsleikjum fyrir u19 ára landslið Íslands. pic.twitter.com/jvZdCCyXzl