Viðræður strand og Rússar skoða hernaðaraðgerðir Samúel Karl Ólason skrifar 13. janúar 2022 23:08 Frá nýlegri æfingu rússneskra hermanna við landamæri Úkraínu. AP Zbigniew Rau, utanríkisráðherra Póllands, varaði við því í dag að hætta væri á stríði í Evrópu. Viðræður milli Bandaríkjamanna, Atlantshafsbandalagsins og Rússa um spennuna við landamæri Rússlands og Úkraínu hafa engum árangri skilað og Rússar segjast vera að skoða mögulegar hernaðaraðgerðir. Michael R. Carpenter. sendiherra Bandaríkjanna í Öryggisstofnun Evrópu, segir NATO þurfa að búa sig undir frekari spennu við Rússa. „Trommusláttur stríðs er orðinn hávær og áróðurinn er orðinn frekar skerandi,“ hefur Reuters fréttaveitan eftir honum. Alexander Lukashevich, sendiherra Rússlands, sagði fund öryggisstofnunarinnar hafa valdið vonbrigðum. Þá varaði hann við hörmulegum afleiðingum ef ekki yrði komist að samkomulagi um kröfur Rússa. Rússar hafa komið fyrir gífurlegum fjölda hermanna, skriðdreka og annara hertóla við landamæri Úkraínu á undanförnum mánuðum og er óttast að þeir gætu gert aðra innrás í landið. Á síðasta áratug réðust Rússar inn í Krímskaga og innlimuðu hann af Úkraínu. Þeir hafa einnig stutt aðskilnaðarsinna í austurhluta landsins með vopnum og hermönnum, meðal annars. Sjá einnig: Pútín ítrekar kröfur gagnvart Austur-Evrópu Nú krefst ríkisstjórn Vladimírs Pútín, forseta Rússlands, þess að Úkraínu yrði meinaður aðgangur að NATO og að bandalagið myndi flytja alla sína hermenn og búnað úr þeim ríkjum sem gengu til liðs við það eftir 1997. Þar á meðal eru Pólland og Eystrasaltsríkin, sem hafa varað við því að Rússar vilji auka umsvif sín á svæðinu og draga úr fullveldi þeirra. Rússneski herinn sem er við landamæri Úkraínu er mun stærri en sá sem notaður var til að gera innrásina 2014. Sjá einnig: „Það eru ekki við sem höfum ógnað neinum“ Forsvarsmenn Atlantshafsbandalagsins hafa sagt að ekki komi til greina að verða við þessum kröfum. Það sé eitt af grunngildum NATO að hvaða ríki sem er geti sótt um og það sé svo aðildarríkja bandalagsins að taka umsóknir til skoðunar. NATO geti ekki sagt til um flutning hermanna í Rússlandi Þá hafa Rússar alfarið hafnað kröfum um að fjarlægja hermenn af landamærunum og meðal annars af þeirri ástæðu að önnur ríki eigi ekki að geta sagt til um flutning hermanna innan landamæra Rússlands, samkvæmt því sem Dmitry Peskov, talsmaður Pútíns sagði fyrr í dag. „Það nú ekki mögulegt fyrir NATO að segja til um hvert við eigum að færa hersveitir okkar innan landamæra Rússlands.“ Vert er að benda á að Rússar krefjast þess að ríki NATO fjarlægi hermenn innan landamæra bandalagsins. Senda mögulega hermenn til Kúbu og Venesúela Sergei Ryabkov, aðstoðarutanríkisráðherra Rússlands, sagði í dag að Rússar myndu mögulega senda hermenn til Kúbu og jafnvel Venesúela ef kröfur þeirra um brottflutning hermanna NATO yrðu ekki samþykktar. AP fréttaveitan hefur eftir Jake Sullivan, þjóðaröryggisráðgjafa Joes Biden, forseta Bandaríkjanna, að slíkt tal væri líklegast innihaldslaust. Fjölmiðlar vestanhafs hafa einnig eftir Sullivan að leyniþjónustur Bandaríkjanna hafi komist á snoðir um að Rússar væru að leggja grunn að því að skapa tilefni til innrásar. Upplýsingar þar að lútandi yrðu opinberaðar innan skamms. Ryabkov sagði þó í viðtali við rússneska sjónvarpsstöð í dag að hernaðarsérfræðingar væru að kynna þá möguleika sem væru í boði fyrir Pútín, ef ske kynni að ástandið versnaði. TASS fréttaveitan, sem er í eigu rússneska ríkisins, hefur eftir honum að hann teldi litlar líkur á því að viðræðurnar myndu bera árangur. Ætla ekki að koma Úkraínu til varnar Litlar sem engar líkur eru á því að þjóðir NATÓ myndu koma Úkraínu til varnar með beinum hernaði. Meðal þeirra sem hafa gert það ljóst eru Bretar. Sjá einnig: Bretar segja að NATO hersveitir muni ekki verjast innrás í Úkraínu Það er þó ljóst að ríki Atlantshafsbandalagsins og önnur ríki, gætu beitt Rússa hörðum viðskiptaþvingunum og refsiaðgerðum sem væri ætlað að koma verulega niður á efnahagi Rússlands og skera á aðgang ríkisins að mörgum mörkuðum. Meðal annars kemur til greina að beita háttsetta embættis- og stjórnmálamenn í Rússlandi refsiaðgerðum. Þar á meðal er Pútín sjálfur. Frá Kreml bárust þau skilaboð í dag að slíkum aðgerðum yrði ekki vel tekið. Peskov sagði blaðamönnum að refsiaðgerðir gegn þjóðarleiðtoga Rússlands myndu koma verulega niður á samskiptum Rússa við vesturveldin. Bandaríkjamenn hafa einnig sagt að til greina komi að útvega Úkraínu frekari vopn ef innrás yrði gerð í landið og jafnvel hjálpa Úkraínumönnum við að byggja upp mótspyrnu gegn mögulegri hersetu Rússa. Úkraína Rússland Bandaríkin NATO Hernaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Steinunn Ólína skýtur föstum skotum á Katrínu Innlent Tíu sektaðir vegna notkunar nagladekkja Innlent Segir borgarstjóra óttalegan vettling Innlent Spaðar Rauðu myllunnar hrundu til jarðar í nótt Erlent Tveir létust í banaslysi í Eyjafirði Innlent Skipulögðu árásir í Þýskalandi og víðar í nafni ISKP Erlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Ræða mest málefni íslenskunnar á fundum enskumælandi ráðs Innlent Fleiri fréttir Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Sjá meira
Michael R. Carpenter. sendiherra Bandaríkjanna í Öryggisstofnun Evrópu, segir NATO þurfa að búa sig undir frekari spennu við Rússa. „Trommusláttur stríðs er orðinn hávær og áróðurinn er orðinn frekar skerandi,“ hefur Reuters fréttaveitan eftir honum. Alexander Lukashevich, sendiherra Rússlands, sagði fund öryggisstofnunarinnar hafa valdið vonbrigðum. Þá varaði hann við hörmulegum afleiðingum ef ekki yrði komist að samkomulagi um kröfur Rússa. Rússar hafa komið fyrir gífurlegum fjölda hermanna, skriðdreka og annara hertóla við landamæri Úkraínu á undanförnum mánuðum og er óttast að þeir gætu gert aðra innrás í landið. Á síðasta áratug réðust Rússar inn í Krímskaga og innlimuðu hann af Úkraínu. Þeir hafa einnig stutt aðskilnaðarsinna í austurhluta landsins með vopnum og hermönnum, meðal annars. Sjá einnig: Pútín ítrekar kröfur gagnvart Austur-Evrópu Nú krefst ríkisstjórn Vladimírs Pútín, forseta Rússlands, þess að Úkraínu yrði meinaður aðgangur að NATO og að bandalagið myndi flytja alla sína hermenn og búnað úr þeim ríkjum sem gengu til liðs við það eftir 1997. Þar á meðal eru Pólland og Eystrasaltsríkin, sem hafa varað við því að Rússar vilji auka umsvif sín á svæðinu og draga úr fullveldi þeirra. Rússneski herinn sem er við landamæri Úkraínu er mun stærri en sá sem notaður var til að gera innrásina 2014. Sjá einnig: „Það eru ekki við sem höfum ógnað neinum“ Forsvarsmenn Atlantshafsbandalagsins hafa sagt að ekki komi til greina að verða við þessum kröfum. Það sé eitt af grunngildum NATO að hvaða ríki sem er geti sótt um og það sé svo aðildarríkja bandalagsins að taka umsóknir til skoðunar. NATO geti ekki sagt til um flutning hermanna í Rússlandi Þá hafa Rússar alfarið hafnað kröfum um að fjarlægja hermenn af landamærunum og meðal annars af þeirri ástæðu að önnur ríki eigi ekki að geta sagt til um flutning hermanna innan landamæra Rússlands, samkvæmt því sem Dmitry Peskov, talsmaður Pútíns sagði fyrr í dag. „Það nú ekki mögulegt fyrir NATO að segja til um hvert við eigum að færa hersveitir okkar innan landamæra Rússlands.“ Vert er að benda á að Rússar krefjast þess að ríki NATO fjarlægi hermenn innan landamæra bandalagsins. Senda mögulega hermenn til Kúbu og Venesúela Sergei Ryabkov, aðstoðarutanríkisráðherra Rússlands, sagði í dag að Rússar myndu mögulega senda hermenn til Kúbu og jafnvel Venesúela ef kröfur þeirra um brottflutning hermanna NATO yrðu ekki samþykktar. AP fréttaveitan hefur eftir Jake Sullivan, þjóðaröryggisráðgjafa Joes Biden, forseta Bandaríkjanna, að slíkt tal væri líklegast innihaldslaust. Fjölmiðlar vestanhafs hafa einnig eftir Sullivan að leyniþjónustur Bandaríkjanna hafi komist á snoðir um að Rússar væru að leggja grunn að því að skapa tilefni til innrásar. Upplýsingar þar að lútandi yrðu opinberaðar innan skamms. Ryabkov sagði þó í viðtali við rússneska sjónvarpsstöð í dag að hernaðarsérfræðingar væru að kynna þá möguleika sem væru í boði fyrir Pútín, ef ske kynni að ástandið versnaði. TASS fréttaveitan, sem er í eigu rússneska ríkisins, hefur eftir honum að hann teldi litlar líkur á því að viðræðurnar myndu bera árangur. Ætla ekki að koma Úkraínu til varnar Litlar sem engar líkur eru á því að þjóðir NATÓ myndu koma Úkraínu til varnar með beinum hernaði. Meðal þeirra sem hafa gert það ljóst eru Bretar. Sjá einnig: Bretar segja að NATO hersveitir muni ekki verjast innrás í Úkraínu Það er þó ljóst að ríki Atlantshafsbandalagsins og önnur ríki, gætu beitt Rússa hörðum viðskiptaþvingunum og refsiaðgerðum sem væri ætlað að koma verulega niður á efnahagi Rússlands og skera á aðgang ríkisins að mörgum mörkuðum. Meðal annars kemur til greina að beita háttsetta embættis- og stjórnmálamenn í Rússlandi refsiaðgerðum. Þar á meðal er Pútín sjálfur. Frá Kreml bárust þau skilaboð í dag að slíkum aðgerðum yrði ekki vel tekið. Peskov sagði blaðamönnum að refsiaðgerðir gegn þjóðarleiðtoga Rússlands myndu koma verulega niður á samskiptum Rússa við vesturveldin. Bandaríkjamenn hafa einnig sagt að til greina komi að útvega Úkraínu frekari vopn ef innrás yrði gerð í landið og jafnvel hjálpa Úkraínumönnum við að byggja upp mótspyrnu gegn mögulegri hersetu Rússa.
Úkraína Rússland Bandaríkin NATO Hernaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Steinunn Ólína skýtur föstum skotum á Katrínu Innlent Tíu sektaðir vegna notkunar nagladekkja Innlent Segir borgarstjóra óttalegan vettling Innlent Spaðar Rauðu myllunnar hrundu til jarðar í nótt Erlent Tveir létust í banaslysi í Eyjafirði Innlent Skipulögðu árásir í Þýskalandi og víðar í nafni ISKP Erlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Ræða mest málefni íslenskunnar á fundum enskumælandi ráðs Innlent Fleiri fréttir Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Sjá meira