Valur er dottinn út úr bikarkeppninni og mun því bara leika deildarleiki það sem eftir er af tímabili.
Liðið tapaði afar óvænt, 1-3, gegn Grindavík í 16-liða úrslitum Mjólkurbikarsins í síðustu viku.
Lærisveinar Arnars Grétarssonar eru ekki í Evrópukeppni í ár eftir slæmt gengi á síðustu leiktíð og eiga því aðeins eftir að spila leiki í Bestu deildinni út þessa leiktíð.
Það eru 19 leikir eftir en 138 dagar eftir af tímabilinu alls.
Það þýðir að Valur spilar að meðaltali aðeins á 7,3 daga fresti.
Það voru Guðmundur Benediktsson og sparkspekingar í Stúkunni á Stöð 2 Sport sem bentu á þetta, eins og sjá má hér að neðan.