Ekki hafa allir aðdáendur ungstirnisins Billie Eilish tekið vel í nýlega breytingu á tískustíl hennar. Eilish, sem nýverið tók upp á því að klæðast aðsniðnari fötum, segir að hún hafi misst um 100 þúsund fylgjendur á Instagram eftir að hún birti mynd af sér í lífstykki.
Eilish prýðir nú forsíðu tímaritsins Elle. Í vor prýddi hún einnig forsíðu breska Vouge þar sem hún sat fyrir í lífstykki og aðsniðnum fötum. Áður einkenndist stíll hennar af stórum og víðum fötum.
„Fólk rígheldur í þessar minningar. Það er mjög óþægilegt fyrir mig,“ sagði Eilish og bætti við að aðdáendur hennar vilji margir að hún haldi áfram að klæðast víðum fötum.
Eilish vakti athygli nýlega í lífstykki með myndum af Miaou tómatsúpu á. Hún deildi myndunum á Instagram. „Ég missti 100 þúsund fyljendur, bara út af brjóstunum. Fólk er svo hrætt við stór brjóst,“ sagði Eilish.