Flest bendir til þess að nýtt met hafi verið sett í útflutningi eldisafurða og að útflutningsverðmæti eldisafurða á árinu 2020 sé rúmlega 29 milljarðar króna. Um er að ræða 17% aukningu milli ára í krónum talið en 5% í erlendri mynt, að því er fram kemur á Radarnum.

Þar segir að  útflutningsverðmæti eldis- og landbúnaðarafurða nam samanlagt 4,8 milljörðum króna í desember samkvæmt bráðabirgðatölum Hagstofunnar um vöruskipti. Það er 75% aukning í krónum talið frá desember 2019 en um 58% aukning í erlendri mynt.

Ekki er að svo stöddu hægt að fá sundurliðað yfirlit útflutnings en hafi útflutningur landbúnaðarafurða verið eins og hefðbundið er, innan við milljarð króna, er hægt að gera ráð fyrir að hlutur eldisafurða hafi verið 3,8 milljarðar í desember. Með þeirri upphæð nást milljarðarnir 29 sem yrðu nýtt met í fiskeldissögu Íslendinga.

Tengdar fréttir

Fiskeldi

Sjókvíaeldi stefnir í átt að samþættri hringrás

• Ræða um rekstrarleyfi til 16 ára
• Mikilvægt að endurskoða leyfi til lagareldis
• Aldrei meira til Austfjarða úr fiskeldissjóði
• Björk varar við frumvarpi ríkisstjórnarinnar

» Fleiri tengdar fréttir

• Blogga um frétt