Gæti orðið lokadagur leitarinnar
Fjölmiðlar fylgjast náið með leitinni í Portúgal.
AFP/Filipe Amorim
Setja bókamerki
Lögreglan frá Portúgal, Þýskalandi og Bretlandi hélt áfram í morgun leit sinni í uppistöðulóni í suðurhluta Portúgals. Vonast hún til að leitin varpi ljósi á hvarf bresku stúlkunnar Madeleine McCann árið 2007.
Portúgalskir fjölmiðlar sögðu að dagurinn í dag gæti orðið þriðji og síðasti leitardagurinn við bakka Adare-stíflunnar.
Alls hafa um 50 lögregluþjónar og portúgalskir slökkviliðsmenn tekið þátt í leitinni.
Portúgalskir fjölmiðlar sögðu í gær að tekin hefðu verið jarðsýni á svæðinu, auk þess sem leifar af fatnaði fundust. Enn hefur þó ekkert fundist sem tengist málinu.
Lögreglan leitaði á sama svæði árið 2008 og fundu kafarar þá eingöngu dýraleifar.
AFP/Filipe Amorim
Hernaðaraðstoð samþykkt – Vopnasendingar í vikunni
Handteknir eftir myndatöku í Vesturbæjarlaug
Skar höfuðleðrið af íslenskri konu
„Hvílir mikil leynd yfir þessu öllu“
Veiting hvalveiðileyfis ekki brot á EES-samningi
Vona að Orkustofnun veiti ekki virkjunarleyfi
Verðbólgan komin niður í 6%