Þurfum að finna ástríðuna aftur

Óskar Hrafn Þor­valds­son, þjálf­ari Breiðabliks, var að von­um svekkt­ur eft­ir 0:2-tap liðsins gegn FH í fyrstu um­ferð efri hluta Bestu deild­ar karla í fót­bolta í kvöld.

„Það vantaði ein­hvern neista, sem við þurf­um að finna aft­ur. Við þurf­um að finna ástríðuna aft­ur. Það vantaði hung­ur og ákveðni sem hef­ur ein­kennt liðið,“ sagði Óskar við mbl.is eft­ir leik, en Breiðablik hef­ur nú tapað þrem­ur deild­ar­leikj­um í röð.

Frétt af mbl.is

FH vann aft­ur á Kópa­vogs­velli

„Fyrstu 15-20 mín­út­urn­ar voru þrælfín­ar og við hefðum getað skorað þá, en það vantaði eitt­hvað. Það vantaði eitt­hvað hrá­efni sem hef­ur gert þetta Blikalið að því liði sem það hef­ur verið síðustu ár. Við þurf­um að finna það,“ út­skýrði Óskar.

Óskar Hrafn Þor­valds­son var svekkt­ur í kvöld. Ljós­mynd/​In­pho Photograp­hy

Breiðablik komst á dög­un­um í riðlakeppni Sam­bands­deild­ar­inn­ar og hef­ur það ferðalag haft slæm áhrif á frammistöðu liðsins í deild­inni.

„Það lít­ur út fyr­ir að þessi mikla keyrsla sem var á liðinu hafi skilið eft­ir sig ein­hvers kon­ar til­finn­ingu að menn væru sadd­ir. Þegar menn verða sadd­ir missa þeir drif­kraft­inn og hungrið. Það er mik­il­væg­ur hluti af því að vera gott fót­boltalið. Við þurf­um að finna neist­ann aft­ur.

Þess­ir strák­ar eru bún­ir að upp­lifa mikið á síðasta ár­inu og marg­ir leik­menn bún­ir að tikka í mörg box. Núna þurfa menn að end­urstilla og finna sér ný mark­mið til að viðhalda hungr­inu, neist­an­um, drif­kraft­in­um og ástríðunni,“ sagði þjálf­ar­inn.

Næsti leik­ur Breiðabliks er gegn ísra­elska liðinu Macca­bi Tel-Aviv á úti­velli í B-riðli Sam­bands­deild­ar­inn­ar og er um fyrsta leik Blika í riðlakeppn­inni.

„Auðvitað er það mjög spenn­andi og verðugt verk­efni. Við mæt­um með mik­illi eft­ir­vænt­ingu, en við verðum að spila bet­ur þar en við gerðum í kvöld ef við ætl­um að fá eitt­hvað út úr því,“ sagði Óskar.

• Blogga um frétt