Góð frammistaða dugði ekki til
Setja bókamerki
Bikarmeistarar kvenna í körfuknattleik úr Haukum léku vel gegn tékknesta liðinu KP Brno í Tékklandi í dag í L-riðli riðlakeppni Evrópubikarsins í dag.
Þótt Haukar séu enn án Helenu Sverrisdóttur spilaði liðið jafnan leik gegn tékkneska liðinu en Brno náði þó að landa sigri 60:53.
Hafnfirðingarnir byrjuðu geysilega vel og voru yfir 25:15 að loknum fyrsta leikhluta. Að loknum fyrri hálfleik var staðan 29:25 fyrir Hauka en lágt skor í öðrum leikhluta reyndist dýrt þegar uppi var staðið.
Fyrir síðasta leikhlutann var tékkneska liðið þremur stigum yfir og jók muninn í síðasta leikhlutanum.
Bríet Hinriksdóttir var mjög atkvæðamikil í dag og skoraði 18 stig. Var hún stigahæst en næst kom Lovísa Henningsdóttir með 8 stig, 4 fráköst og 4 stoðsendingar. Tinna Guðrún Aolexandersdóttir skoraði 7 stig. Haiden Palmer lék vel fyrir liðið þótt hún hafi oft skorað meira. Tók 11 fráköst, gaf 6 stoðsendingar, stal boltanum fjórum sinnum og skoraði 5 stig.
Mennirnir í haldi lögreglunnar á Suðurnesjum
„Ég hélt ég myndi deyja, með dóttur mína í bílnum“
Um 70 jarðskjálftar í kvikuganginum
Kostnaðurinn nemur allt að þremur milljörðum
Telur að Rússar herði sókn sína í norðaustri
Fannari líst ágætlega á aðgerðirnar
Fordæmir leyndarhyggju í skólamálum