Hinn tvítugi Englendingur, Noni Madueke, gekk til liðs við enska úrvalsdeildarfélagið Chelsea frá PSV Eindhoven í Hollandi nýverið. Hann gerði samning til rúmlega sjö ára eða út keppnistímabilið 2029-2030.
Madueke, sem lék miðsvæðis á vellinum, hefur með tímanum færst út á hægri vænginn. Hann er hér í skemmtilegu viðtali á æfingasvæði Chelsea. Hann segist ánægður með vistaskiptin, að hann iði af spenningi og sé spenntur fyrir framhaldinu. Madueke pælir mikið í tískunni og hann dreymir um að verða einn daginn jafn góður í fótbolta og Eden Hazard.
Viðtalið má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.