Nátthrafnar á suðvesturhorni landsins fundu eflaust flestir fyrir miklum skjálfta um hálf tvö leytið í nótt.
Frá því að klukkan sló miðnætti hafa orðið nokkrir skjálftar en skjálftinn klukkan 01:31 var nokkuð stærri en hinir, 4,9 að stærð miðað við bráðabirgðarniðurstöður. Skjálftinn átti upptök sín suðvestur af Keili en fólk fann fyrir honum á afar stóru svæði.
„Skjálftinn fannst mjög víða á Reykjanesskaga, höfuðborgasvæðinu, austur í Landeyjar og upp í Borgarfjörð,“ segir í tilkynningu Veðurstofunnar um skjálftann.
Miðað við athugasemdir landsmanna undir fréttum af skjálftanum vöknuðu einhverjir við skjálftann klukkan 01:31 enda var hann ansi snarpur.