Sameiginlegt körfuknattleiksfélag Hamars og Þórs hefur samið við Jenna Mastellone um að spila með félaginu á komandi tímabili í fyrstu deild kvenna.
Mastellone er fjölhæfur bakvörður sem kemur til Hamars/Þórs frá St. Francis háskólanum í Bandaríkjunum, þar sem hún var með að meðaltali 10 stig í leik á lokaári sínu.
Félagið segir í tilkynningu:
Jenna Mastellone er leikmaður sem mun án efa koma til með að styrkja liðið okkar á næsta tímabili. Við bjóðum Mastellone velkomna í Hamar/Þór og hlökkum til að fá hana til okkar í haust.“