Stjórnendur hjá BBC eru sagðir vilja fá söngkonuna Sophie Ellis-Bextor sem fulltrúa Bretlands í næstu Eurovision-keppni, sem haldin verður í Svíþjóð á næsta ári. Eru þetta viðbrögð við slæmu gengi Breta í nýliðinni keppni, en BBC hefur hlotið mikla gagnrýni fyrir val sitt á söngkonunni Mae Muller sem endaði í næstsíðasta sæti nýliðinnar keppni, þrátt fyrir að hafa verið á heimavelli.

Samkvæmt heimildamanni The Sun er Ellis-Bextor sú eina á óskalista BBC fyrir næstu keppni og að ekki sé ætlunin að bæta á þann lista. Ellis-Bextor er sögð passa fullkomlega fyrir hlutverkið, þar sem hún sé bæði frábær söngkona og flytjandi og sé auk þess vel þekkt á meðal áhorfenda. Hennar þekktasta lag er eflaust Murder on the Dancefloor sem kom út árið 2001 en hún er margverðlaunuð í heimalandi sínu. 

Ellis-Bextor kom fram á Eurovision-þorpinu sem sett var upp í Liverpool í tilefni nýliðinnar Eurovision-keppni, svo hún hefur nú þegar fengið smjörþefinn af því að koma fram fyrir framan aðdáendur keppninnar.

Tengdar fréttir

Eurovision

EBU megi fara til fjandans

• Dulin skilaboð frá portúgalska keppandanum
• Hollendingurinn mætti í eftirpartíið
• Þátttakan tileinkuð gíslunum
• Ísland lenti í síðasta sæti

» Fleiri tengdar fréttir

• Blogga um frétt