Lögreglunni á höfuðborgarsvæðinu bárust í gær tilkynningar um tvær líkamsárásir.
Frá þessu er greint í dagbók lögreglu.
Á lögreglustöð 1 barst tilkynning um árás við verslun í miðbænum. Ekki er þó til tekið hvort einhver hafi verið handtekinn í þágu rannsóknar málsins.
Þá handtók lögregla á lögreglustöð 2 einn við veitingahús vegna líkamsárásar. Viðkomandi neitaði að gefa upp hver hann væri. Var hann vistaður í fangageymslu vegna málsins.