Norska fiskeldisfyrirtækið Måsøval AS, sem á meirihlutann í austfirsku fiskeldisfyrirtækjunum Fiskeldi Austfjarða og Löxum fiskeldi, hefur keypt upp annað norskt fiskeldisfyrirtæki og mun með því auka mjög framleiðslugetu sína.

Måsøval er í grunninn fjölskyldufyrirtæki sem er með höfuðstöðvar á eyjunni Frøya í Þrændalögum. Það var skráð í kauphöllina í Ósló fyrr á þessu ári og þá bættust við nýir hluthafar. Fyrirtækið er meirihlutaeigandi Fiskeldis Austfjarða og Laxa fiskeldis og hefur verið stefnt að sameiningu íslensku fyrirtækjanna.

Frétt af mbl.is

Eldi á Íslandi verður ekki stundað frá Noregi

Fyrirtækið sem Måsøval er nú að kaupa starfar undir yfirheitinu Vartdal Invest AS en dótturfyrirtæki þess reka sjókvíaeldisstöðvar, seiðaeldi og sláturhús. Kaupverðið samsvarar um 23 milljörðum íslenskra króna og hluti kaupverðsins er greiddur með því að eigandi Vartdal eignast hlutabréf í Måsøval.

Á heimasíðu Måsøval kemur fram að kaupin eru gerð með fyrirvara um samþykki norska samkeppniseftirlitsins og hluthafafundar.

Tengdar fréttir

Fiskeldi

Hafa gert tillögu að rekstrarleyfi Laxeyjar

• Skrá Ice Fish Farm í íslensku kauphöllina
• 868 seiði sluppu úr eldisstöð í Öxarfirði
• Strokulaxar jafn margir og hrygningarstofn
• Stöðvun gildistöku leyfis Arctic Fish hafnað

» Fleiri tengdar fréttir