West Ham tók á móti Manchester United á London Stadium í ensku úrvalsdeildinni í gær. Leikurinn byrjaði nokkuð rólega en Benrahma kom West Ham yfir þegar hálftími var liðinn af leiknum.
Ronaldo jafnaði metin aðeins fimm mínútum síðar en hann var ansi hættulegur í leiknum og ógnaði mikið. Lokamínúturnar í leiknum voru ótrúlegar en Lingard kom gestunum yfir undir lok leiks með frábæru marki en hann var nýkominn inn á. West Ham fékk vítaspyrnu í uppbótartíma og var Mark Noble skipt inn á til að taka spyrnuna en David de Gea varði spyrnuna og tryggði Manchester United þrjú stig.
Stuðningsmenn United höfðu enga trú á að De Gea væri að fara að verja, og það kannski eðlilega. De Gea hafði ekki varið vítaspyrnu um langt skeið.
40 vítaspyrnur í röð fyrir Untied og Spán höfðu ratað í markið en nú var komið að þeim spænska að verja.
