Chris Finch, þjálfari Minnesota Timberwolves í bandarísku NBA-deildinni í körfuknattleik, meiddist alvarlega í nótt í fjórða leik Minnesota og Phoenix Suns í 1. umferð úrslitakeppninnar sem fram fór í Phoenix.
Leiknum lauk með naumum sigri Minnesota, 122:116, en Minnesota vann einvígið 4:0 og varð um leið fyrsta liðið til þess að tryggja sér sæti í 2. umferð úrslitakeppninnar.
Finch lenti í hörðum árekstri við eigin leikmann, Mike Conley, með þeim afleiðingum að hann sleit liðband í hné.
Þjálfarinn þarf að gangast undir aðgerð vegna meiðlslanna og því óvíst um þátttöku hans á hliðarlínunni í næstu leikjum liðsins en Minnesota mætir annaðhvort NBA-meisturum Denver Nuggets eða Los Angeles Lakers í 2. umferðinni.
Chris Finch tore his patellar tendon tonight on this play
— Dr. Evan Jeffries, DPT (@GameInjuryDoc) April 29, 2024
-He will need surgery likely between rounds
-Timeline of healing is 6 months but usually 1 year before feeling normal pic.twitter.com/9iF94UOOWq